दुबईमा व्यापार व्यवसाय गरिरहेका मकवानपुरे युवाद्वारा ५१ लाख ५१ हजार राहत घोषणा
हेटौँडा । मकवानपुरको हेटौँडामा जन्मिएर दुबईमा व्यापार व्यवसाय गरिरहेका युवाले बाढीपीडितका लागि ५१ लाख ५१ हजार रुपैयाँ राहत कोषमा रकम दिएका छन् । हेटौँडाको हटियामा जन्मिएका विष्णु प्रसाद पुडासैनीले राहत रकम घोषणा गरेका हुन् ।
उनले नेपालमा आएको विनाशकारी बाढीपहिरोपछिको विपत्तिमा राहत दिएका हुन् । उनले सामाजिक सञ्जालमा लेख्दै भनेका छन्, ‘म पनि एउटा नेपाली हुँ र मेरो आत्मा सधैं नेपालमै छ, देशले दुःख पाउँदा टाढा बसेर हेर्न सक्दिनँ, त्यसैले, पीडितहरूको घाउमा मलम लगाउने एउटा सानो प्रयासस्वरूप नेपाली रुपैयाँ ५१ लाख ५१ हजार १ सय ११ रुपैयाँ सहयोग घोषणा गर्दछु ।’
उनले रकम रजतपटका प्रकाश सुवेदीमार्फत सही र वास्तविक पीडितको हातसम्म पुर्याउने काम गरिने बताएका छन् ।
Leave a Comment